Молитва о вразумлении заблудших и умножении праведников
Господи Иисусе Христе, Сыне Божий, Пастырю Добрый, положивый душу Свою за овцы Своя! Припадаю к неизреченной славе Твоей и молюся Тебе со слезами умиления: призри милостивно на род человеческий, страждущий во тьме неведения и греха, и не презри создания руку Твоею. Ты Сам, Владыко, рекл еси усты Твоими: «Не хочу смерти грешника, но чтобы обратился он и жив был». Ты Сам желаеши, да вси человецы спасутся и в разум истины приидут. Веси бо немощь нашу, веси, яко потемнел ум наш от страстей, и сердце наше окаменело в нечувствии. Но у Тебе, Господи, вся возможна.
Услыши ныне глас моления моего о душах погибающих, о тех, иже не ведают Тебе, иже имя Твое святое хулят или с холодом в сердце житие свое провождают. Ты, Иже един веси сокровенная сердец, устрой, молю Тя, судьбы их предивно. Якоже некогда Савла на пути в Дамаск светом небесным осиял еси, тако и ныне устрой пути их тако, дабы на всяком шагу своём зрели они следы Промысла Твоего. Устрой им, Господи, скорби полезные, дабы в тесноте воззвали к Тебе; устрой им радости нечаянные, дабы познали руку Твою благословляющую; устрой им встречи знаменательные, дабы в каждом событии видели глас Твой, призывающий их на путь спасения. Сокруши, Милостиве, окаменение сердец их, дай им слезы покаяния и страх суда Твоего, смешанный с надеждою на любовь Твою.
И паки молю Тя: пошли к ним человека разумнаго и ревностнаго о славе Твоей. Пошли мужа или жену, исполненных Духа Святаго, дабы словом кротким и житием святым вразумили они заблудших, дабы наставили их на истинный путь, дабы отвели от погибели и привели ко Кресту Твоему. Открой уста служителей Твоих, дабы глаголали не от мудрости человеческой, но от откровения Твоего, и да возвратятся сыны непокорные к Отцу Небесному. Знаю, Господи, яко мало есть праведников на земли, но Ты ради десяти праведных готов был помиловать Содом. Умножи, Владыко, число благочестивых! Возжги светильники веры в домах наших, в градах и весях. Дабы не оскудела земля Русская и вся земля поднебесная молитвенниками, постниками и чистыми сердцем. Дабы праведность сияла яко заря, и спасение наше яко свеща горит. Приими, Господи, моление мое сие, яко кадило благовонное, и не отрини его от лица Твоего. Исполни всех нас, грешных, Духом Твоим Святым, дабы не словом только, но делом и истиною привлекали мы ближних ко Господу. Ибо Твое есть, еже миловати и спасати всех нас, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
© Liza Nikolaeva 1
