Слово похвальное к святым апостолам Петру и Павлу, в томже обличения и на латыньскыя три большия ереси
Воспой, душе! Божественых апостол Петра и Павла, в прочих верховныя и первопрестолныя, добростоящия звезды церкви Христове, иже от мерзостныя прелести идольскыя и служения бесовом, к благочестия и истины свету языкы наставишя животочными светосиянии божественых учений. Воспой же по сущей ти силе! достойных же пений самем уступи горнейшим умом, песнь же приношя им черплющи от спасительных источн…